كلمات اغنية أبو حب - بسمة بوسيل
كل كلامك معايا
بقى على قد السؤال
وبالك مش معايا
وأنا ما بيهدالي بال
حالك اتصلح معايا
ومعاك أنا حالي مال
وبتيجي بعد ده كله تقولي
قال بتحبني قال
حُب، حُب إيه يا أبو حُب
هو أنا شوفت منك حُب
ده كل الناس غرقانة في الهنا
إلا أنا اللي عايشة في غُلب
دلع، دلع إيه يا أبو دلع
هو أنا شوفت منك دلع
ده حتى الكلمة الحلوة
أنا واخدها منك عافية يا جدع
يا حبيبي بقيت بشوفك
أنا كل فين وفين
والنوم صاحب عيونك
وأنا ما بتغمضلي عين
قلبي اللي أنا سبتهولك
هيشوف دلع منين
متجيش وتقولي انتي حبيبتي
وتكلني بكلمتين
حُب إيه يا أبو حُب
هو أنا شوفت منك حُب
ده كل الناس غرقانة في الهنا
إلا أنا اللي عايشة في غُلب
دلع، دلع إيه يا أبو دلع
هو أنا شوفت منك دلع
ده حتى الكلمة الحلوة
أنا واخدها منك عافية يا جدع
كلمات أغنية أبو حب
كلمات: مصطفى حدوتة
ألحان: عطار
ميكساج وماسترينغ: جلال الحمداوي