كلمات اغنية رسام حزين - ليل المحمدي
رسام حزين
راسم حبيبتو في بورتريه ومعلقو
رسام حزين
صدّق خيالو ونفسو كات بتصدقو
بيحبها مش مقتنع ان خلاص
القلوب اتفرقو
لما بيجي الليل عليه
يحكلها الوجع اللي فيه
وسكوتها بيكون ردها
علشان بيحكي لبروتريه
يقعد قصادها بالساعات
بيصحي في الحلم اللي مات
وفاكرها قاعده بتسمعه
بيحب صوره وألوانات
الصوره فيها قصه وهو كان مهتم بيها
مشبعش منها لسه بيدي كل مشاعرو ليها
الناس مش شايفه حاجه وهو شايف حاجه فيها
يمكن بتصحي ذكرياته اللي عايش عليها
وفي حضنها
بيقول كلام عمره ما قالو في يوم لحد
بيقولها
انه محبش حد غيرها أكيد بجد
وساعات يلومها علشان
بيستناها تتكلم ترد
بيبص للصوره من بعيد
كان عارف انه واحد مريض
ألِّف حكايه البورتريه
علشان رافض يبقا وحيد
حاسس بوحدة الحياه
فرسملو صوره تكون معاه
وهو مهما بيغيب عنها
بتكون أكيد مستنياه
الصوره فيها قصه وهو كان مهتم بيها
مشبعش منها لسه بيدي كل مشاعرو ليها
الناس مش شايفه حاجه وهو شايف حاجه فيها
يمكن بتصحي ذكرياته اللي عايش عليها
كلمات أغنية رسام حزين
غناء وألحان: ليل المحمدي
كلمات: حمتو
توزيع وميكس وماستر: صابر ڤان بيرسي