كلمات شيلة للعمر صفحة - احمد ال شملان
لا يغرك ثوب صحة وجاه ولا شباب
للعمر صفحة ولابد يوم وتنطوي
الامل ماشاب فيني لو إن الراس شاب
وارتوى عقل التجارب وقلبي ماروي
بين لهفات المواعيد وطعون الغياب
وصمتي اللي تحت حكم الخيال الفوضوي
بعض صفحات التجارب تجيب الاكتئاب
وبعضها مثل البرايق على دهم النوي
فالحكيم من العناوين يدري بالكتاب
والغشيم اللي تولى عن الدرب السوي
والمواقف لاغدت بين ضرس وبين ناب
فرق بين كبار الأجسام والقلب القوي
الاعتذار امن الخطا يعتبر عين الصواب
والخطا والصح وارد ولاهو نخبوي
والحذر تطلق لسانك وتفتح كل باب
للعوارف شي يروى وشيٍ ماروي
والحيا سيفٍ ولا هو على كل الرقاب
والشدايد تظهر اللاش وتعزّ الخوي
لا يغرك ثوب صحة وجاه ولا شباب
للعمر صفحة ولابد يوم وتنطوي
والعمر رحلة فيالله في زين الزهاب
ويالله بقلبٍ بدرب الهداية ماغوي
ما يرد المجتهد حظ طاب وحظ خاب
مايحقق ذاته الا عصامي وجروي
وقمة المشراف للصقر ماهي للغراب
ولايزال الذيب في قمة الرجم يعوي
والحيا سيفٍ ولا هو على كل الرقاب
والشدايد تظهر اللاش وتعزّ الخوي
ولا يغرك ثوب صحة وجاه ولا شباب
للعمر صفحة ولابد يوم وتنطوي
كلمات شيلة للعمر صفحة
كلمات : عبدالرحمن احمد العليوي
توزيع ومكساج : احمد ال شملان