كلمات اغنية فواتير العتاب - مروان موسى
تنسى ساعات وبتفتكر ساعات
بس بتيجي ليالي وتدقلك ع الباب
وتوصلك حساب فواتير العتاب
مش بتبص في الماضي
كنت تموت وتنساه
شفت الغالي بيتألم قدام عنيا
وكنت احكيله احلامي
دايما كاتم الحزن في اعماق الصدر
عشان افضل متوازن
كنت احاول اخفف عنه
واسرق منه الضحكة لما يعاني
طب ليه لما ارجع افتكر تفاصيل بحسّني أناني؟
ما العمر مسروق
والبدن مسموم
والعقل متكتف
والقلب مسجون
معلش الظروف
خلتني عجوز
في نص الطريق
أنا الشخص المتلوف
دنيا ضحكت عليا وخلتني اشتري من وكالة ابليس
اشتريت منه كل حاجة في المحل بالسعر الرخيص
بس شاطر الشيطان واللي اكتشفته بعد ما مرت سنين
انه خد مني كل حاجة كانت حلوة في حياتي بالتدريج
وانا كنت شباب ماعرفش الصح من الغلط من الاكاذيب
كنت واخد الدنيا استهتار وعلى الله التساهيل
فجأة اترمت آمالي في النار وخلص عليها المصير
الصحة صبحت عدم شوفت شريط حياتي بيتعاد بالبطيء
ما انا مجرد انسان
عنده شوية احلام
واختفائي من الكون
استحالة هيبان
الدنيا اختبار
والصبر امتحان
بعد الريح والإعصار
اللي اتكسّر هيبان
الخواطر السم مع كل السواد دا هضمته وبلعته
دا انا حتى قلبت الصفحة والكتاب
عايز اعيش في اللي بعده
ما عدا المشهد اللي فضل يزورني لحد ما منعته
لما شوفته قدام عنيا بيتعذب وماعرفتش أساعده
عمري ما حسيت بقيمة اللي في ايديا فبندم في الاخر
يا ريتني فهمتها بأي شكل تاني غير انه يتاخد
الروح اللي كانت بتتألم في الدنيا في الآخرة ارتاحت
ندمان ع الوقت اللي ماقضيناهوش بعد ما الساعة ساحت
تنسى ساعات وبتفتكر ساعات
بس بتيجي ليالي وتدقلك ع الباب
وتوصلك حساب فواتير العتاب
مش بتبص في الماضي
كنت تموت وتنساه
كلمات أغنية فواتير العتاب
ميكساج، وكلمات: مروان موسى
مهندس الميكساج: HatemBas
مهندس الماسترينغ: Joe Laporta