كلمات اغنية دراكولا شرس - اسلام كابونجا
أيوة، أيوة، أيوة
وهو يا عم أخويا الكوكو أبو شنب بيقولكو
عملناكو برجولة وجدعنة
عملتونا بذئابة ونفسنة
بس عادي الدنيا ماخلصتش والأيام بيننا
بقولك إيه يا فيجو يا دخلاوي
الكوكو أبو شنب بيقولك
إبعتهاله من أرض العامرية
من شارع الوكالة بالتحديد
دراكولا شرس دموي في العراك هجام
كاسر صيت الأخصام
كل واحد خصّمته نهايته كانت الموت
اللي طار عليا في الحديدة خبطته
وشه الجميل قطّعته
بسلاحي كسرت نفسه عرّفته إنه كيوت
كساحتي مشرشرة على طول متزفرة
اسمي ممشي دماغ الكل وأخصامي متزرزرة
أي بطل مش شايفه لو عقله معايا حدفه
لازم أصحّح أيها خطأ ده اللي أنا فاهمه وعارفه
فاتح باب الخصومة مين هيدخل ساحب
هاتولي خصم محارب
وأنا واثق إني هفوز من جولة واحدة هفنش
بس اللي شايفه كرف بس ع اللايڤات
وندب في ستوريات
بقى التيك توك أسفلت عليه اتلعبت جولات
العامرية دي دولة فيها فرسان وعتاولة
لو ذكائك هيخونك اسحب يلا ونلعب جولة
بس الكوكو لو خرب الكل هيتضرب
أي أسامي تتشطب قدام اسم الكوكو أبو شنب
قدام اسم الكوكو أبو شنب
أنا كل جرح جوة قلبي لسه معلم
أنا من الخيانة بتألم
أنا لو هقول وأتكلم يبقى الكل هيصمت
بس اللي جاي كله كلام يابا ع الوجع
علشان ما شُفتش جدع
الطيبة معاكوا هتتمنع واستقبلوا اللي هيحصل
يلا اجمعوا كلكو اسمعوا هقولكو
إنسوا الجدع اللي زمان شالكوا
وكان باقي على حبكو
من قلبي أنا شلتكو وخلاص خصّمتكو
انتوا بقيتوا بتوعي وأنا حالف إني ما أحلكو
إخواتي جوة ضيقة حِن يا سجان
على إخواتي الجدعان
من يوم ما غابوا عن عيني
وأنا بالي مش مرتاح
المرشدين شافوهم كاتمين أنفاسهم
قالوا لازم نحبسهم
اللي فيهم كان ممسوك فاضي معموله سلاح
بلبس لبس نزيه هتشوفني تقول بيه
بس هتيجي تجرّب حظك وشك همشي عليه
عايزك تحفظ وشي قبل يا عم ما تمشي
علشان لو شُفتك تاني هحطك تحت الكوتشي
أخويا السند اللي عليه بتسند
واجهة تشرّف بلد
قالوا الصحاب أرزاق
وأنا رزقي في صاحبي
ورقتنا واحدة وانت الورقة الكسبانة
أجدع صاحب بأمانة
دايمًا واقف في ضهري
عمرك ما بتجيب راجع
حبك زاد وانتشر يا أم عيالي يا قمر
إنتي في عيني أميرة وملاك
مش زي بقيت البشر
أنا من قلبي بقولك بعشقك وبحبك
مش عايز غيرك من الدنيا
انتي اللي أنا إخترتك
أي حد قال عليا كلمة ليه زنقة
أنا كده كده مش فارقة
آخرك معايا الطلقة يا اللي ساحب سكاكين
اللي ليه الهوا مني يلا أنا جاهز
الضرب هيكون نافذ
واقف لوحدي وعادي لو جيتوا جايبين مين
إعدل بُقك آبطل
شكل أبو شرطة اشتغل
إنت بدأت معايا بالنكش
فكده ما فيناش من الزعل
شكلك كده كفتجي
إفهم يا أونطجي
إنك لو كارف على كله
كله إلا العافيهجي
أنا جهتي العامرية خطر ع البشرية
إسمي الريّس كوكو أبو شنب أنا وزير الحنية
ممنوع تعمل جلب هنا تلتزم الأدب
إسمي مشرف نفسه وجهته
الباشا أوشا أبو شنب
فارس أبو شنب أسد
لإخواته ضهر وسند
فارس أبو شنب بيقول ربنا يكفينا شر الحسد
هريدي أبو شنب راجل ومسيطر متعامل
هريدي أبو شنب لو قال عركة
هتشوفوا شاب مقاتل
خميس الكتيفي ده الباشا
وحش ظاهر ع الشاشة
اللي يحرّك عقله معاه يعمل معاه الجلاشة
كلّها عارفة وسامعة إسم بلال السُمعة
كاسر صيت أخصامه وأيها خصم هيجي في القُرعة
الفارس العجماوي مصطفى العرباوي
شارع المرور فيه الإمبراطور الأكشنجي الدكناوي
أسطورة النوبارية يعني الطلقة الحية
علي عقلي برنس الشعراوي مسيطر ع البشرية
وكابونجا الدبابة والجندوفلي البابا
فيجو الدخلاوي رقم واحد ساحب عليكوا سحابة
دولسيكا ولمبادا والقناص سيطرة
كلمات أغنية دراكولا شرس
مهرجان: دراكولا شرس
غناء: اسلام كابونجا
كلمات: جندوفلي البابا
توزيع : فيجو الدخلاوي