كلمات اغنية دنيا تريندات - احمد عامر
مفيش حد عبيط
كلها بتدور ع السيط
وتريند الساعه التخبيط
والكل سايقها استعباط
كله بيرمي بلاه
ويلقح على خلق الله
ويا خابت يا صابت وياه
ونشوفه في كل القنوات
زمن البجحين
بقى ليهم سعر وناجحين
ورصيدهم عدى الملايين
ونعاتب على مين ونلوم
ماحنا الخايبين
غلينا وعلينا واقعين
وقتلنا طموح الشاطرين
وعملنا من الخيبه نجوم
دنيا تريندات
ومحدش عارف مين مع مين كله اشتغالات
ناس بلا مبدأ بايعه ضميرها وقابضه مشاهدات
بنصدر أزمه عشان نشغل بعض بتفاهات
والكل يشارك أزمتنا ويعملها حالات
زمن الشهادات
ركونها ع الرف وبقى كله فاتحلك باثات
والحاله العامه بقيت تكسف وتجيب إحباط
واللي ملوش شغله قاعد فاضي يطلّع اشاعات
وبيذل في نفسه وبيهينها عشان الدولارات
أزمة أخلاق
وبنكدب ونقول أرزاق
واتظلمت كلمة أذواق
واختلت كل الموازين
مبقاش في كسوف
وبعينك دول بُص وشوف
كلها بقى وشها مكشوف
والوضع بقى بجد مهين
فوبيا المشاهير
خلتنا صغير وكبير
أسرارنا مابقيتش في بير
وحياتنا الشخصيه مشاع
شغلتنا الشير
بنتاجر بهموم الغير
ومحدش فينا بقى يغير
على شرفه وعرضه المتباع
دنيا تريندات
ومحدش عارف مين مع مين كله اشتغالات
ناس بلا مبدأ بايعه ضميرها وقابضه مشاهدات
بنصدر أزمه عشان نشغل بعض بتفاهات
والكل يشارك أزمتنا ويعملها حالات
زمن الشهادات
ركونها ع الرف وبقى كله فاتحلك باثات
والحاله العامه بقيت تكسف وتجيب إحباط
واللي ملوش شغله قاعد فاضي يطلّع اشاعات
وبيذل في نفسه وبيهينها عشان الدولارات
كلمات أغنية دنيا تريندات
غناء : احمد عامر
كلمات والحان : عمرو قطب
توزيع : نوار البحيري
ميكس وماستر : م . محمد جودة