كلمات اغنية بص يا كبير - مروان موسى
آه من اللي شوفته ياريتني ما شوفته
واللي ماشافنيش الله يسهل له
الف يا خسارة ع الزمن يا خسارة
ماضيك وأسرارك، تاريخك وأثارك
انسى، كلها بتنسى
كلها بقت بتبلع وبتلزق
كلها بترزع بعديها تلسع
راكبين دماغنا ناخدها لفة
لفة توسع، لفة ترجع
لفي بني، لفه تلدع
قول في سرك مين هيسمع؟
ما هموم الدنيا نسّتك اسمك
آه أنا ضاع مني دماغي
والقلب والضل وبضل الطريق
أنا تاه مني الحب في مشواري
هربان من عقلي مارجعليش
أنا راح مني الحضن الوحيد
اللي عيشت في العمر بفديه
فأرجوك ماتقوليش ايه؟
آه بص يا كبير
القلب فيه اللي مكفيه
بلاش تقول تفاصيل
نفضلي ما تفضفضليش من فضلك
طب طب بص يا كبير
القلب فيه اللي مكفيه
بلاش تقول تفاصيل
نفضلي ما تفضفضليش من فضلك
آه فين ضميرك؟
والإزازة الجميلة
جَلد ذات وأفكاري الخطيرة
مش لاقي نفسي ع الخريطة
راندڤو بكلم نفسي انا مجنون
منظر ياريت مايشوفوهوش
اه، بطلع وأعيش على فترات
عشان قلبي مايتعميش اديته نضارات
فيش أي مخططات
الشفرات دي تعلّي النبضات
اللي صار صار بس الأفكار فيها صدمات
أفكار بتثبت الصنم
احنا بنتصدر الضرر
مارضيتش نرفض الطلب إشمعنى؟
جيت في مرحلة الخطر
برضو شلت لهم **** اشمعنى؟
صُحبة ماشية بعكاز
كلامه دوبلاچ
فين الأصيل؟ فين الجدعان؟
فينه تقدير؟ ماشوفتوناش
سفر طويل trip في الدماغ
نفسي نرجع زي زمان
مش هينفع مهما كان
حزني طابع ع الايام
نفسي تسمع, طب سلام
آه بكلم نفسي انا مريض
احنا لاسعين بس ماتخافيش
خفافيش مطرطشين
انا عقلي ضاع طلّعت الفيش
لا ماتجيش
جوايا نار ما بتتطفيش
ارجوك صاحبي ما تحكّيليش
ايه ايه؟
آه بص يا كبير
القلب فيه اللي مكفيه
بلاش تقول تفاصيل
نفضلي ما تفضفضليش من فضلك
طب طب بص يا كبير
القلب فيه اللي مكفيه
بلاش تقول تفاصيل
نفضلي ما تفضفضليش من فضلك
كلمات أغنية بص يا كبير
Written by: Marwan Moussa
Produced by: HatemBas
Mixed by: Marwan Moussa, HatemBas
Mastered by: Joe Laporta