كلمات اغنية مخزون السعادة - صابر الرباعي
متغيبيش
خليكي جنبي، متبعديش
يحميكي حضني، ومتخافيش
قرّبي واتحامي فيا
وارمي أحزانك عليا
ده اللي قلبي حاسه بيكي ما يتحكيش
متناميش
بُصي لعنيا، مترمشيش
خليني أطمن وأعيش
سيبي إحساسك يغني
ياللي قلبك حته مني
لو في وصفك أقول كلام، ما يكفيكيش
انتي حالة حب نادرة بتيجي مرة في الحياة
انتي حد بجد بنسى الدنيا وأطمن معاه
انتي في عيونك طريقي ضحكتي من بعد ضيقي
انتي مخزون السعادة اللي قلبي خلاص لَقاه
من زمان
كنت مستني الأمان
كنت راسمك ع الحيطان
نفس تفاصيلك وشكلك
قبل ما قابلتك بقابلك
انتي جيتي، بجد نوَّرتي المكان
آه، بقيت
ببني ليكي في قلبي بيت
واللي فات قبلك نسيت
الحياة جنبك جميلة
انتي قمري في كل ليلة
لما شُفت عنيكي بس أنا اتداويت
انتي حالة حب نادرة بتيجي مرة في الحياة
انتي حد بجد بنسى الدنيا وأطمن معاه
انتي في عيونك طريقي ضحكتي من بعد ضيقي
انتي مخزون السعادة اللي قلبي خلاص لَقاه