كلمات اغنية الحريفة عدوية شعبان عبد الرحيم وعمرو سلامة

كلمات اغنية الحريفة عدوية شعبان عبد الرحيم وعمرو سلامة

كلمات اغنية الحريفة

كلمات أغنية الحريفة - عدوية شعبان عبد الرحيم و عمرو سلامة

ياما في ناس يجيلها النعمه والحظ يديهم
ينسو الايد اللي كانت زمان بتديهم
وناس تجيلها الدنيا تلقى الطمع فيهم
في ناس جوه العيون تتشال
وناس مع الزبال كوم وعبيهم

صغير انا ايوه صغير
لكن بجنن وبحير
الدنيا مهما في يوم مالت
هفضل جدع مش هتغير
صغير انا ايوه صغير
لكن بجنن وبحير

متبصليش وامشي ياليفه
مالك ومال الحريفه
انت المفروض لما تشوفني
تقف وتعمل تشريفه
متبصليش وامشي ياليفه
مالك ومال الحريفه

داير تقول انك خصمي
باين عليك مجنون رسمي
سايب حياتك وفاضيلي
هتموت بغلك من اسمي
عمال تقول انك خصمي
باين عليك مجنون رسمي

معروف تاريخي انا من الابطال
لكن انت مين عارفك يا شمال
اسأل معلمين بلدك
عملولي في الشارع تمثال
معروف تاريخي انا من الابطال
لكن انت مين عارفك يا شمال

انا يابني عم الشغلانه
ومن زمان ليا مكانه
وجاي بتتمحك فيا
حركات قديمه وتعبانه
انا يابني عم الشغلانه
ومن زمان ليا مكانه

ياعم روح اجري اتعلم
متجيش معايا وتتكلم
مش اي حد مسك شومه
الناس تقولو يا معلم
ياعم روح اجري اتعلم
متجيش معايا وتتكلم

دلوقتي جاي بتبوس ايدي
عمال تقول عمي وسيدي
هتروح فين يا ابن امبارح
حب الناس هو رصيدي
دلوقتي جاي بتبوس ايدي
عمال تقول عمي وسيدي

ياما قولنا ياما ونبهنا
ابو السيد ملك المهنه
ابو السيد ده عامل انجاز
ابو السيد هو الاستاذ
ياما قولنا ياما ونبهنا
ابو السيد ملك المهنه


كلمات أغنية الحريفة عدوية شعبان عبد الرحيم و عمرو سلامة

أحدث أقدم