كلمات اغنية البضاعة ماجد المهندس

كلمات أغنية البضاعة - ماجد المهندس

الحب ما يحتاج وقت ومواعيد
وما ينشرى ويباع مثل البضاعة
والقلب سجن الحب وضلوعه القيد
والعشق جمر اشواق يبغي شجاعة

القلب مثل الحر وملاعب الصيد
يحب صيد اللي يزيد ارتفاعه
ما يبغي اللي بين حزن وتناهيد
ما عنده لطول الدروب استطاعة

واللي ما بين الغيد هو سيد الغيد
عن حب غيره صار عندي مناعة
ادرى عليه إمن الزلل والمناقيد
واحفظ وقاره مثل حفظ الوداعة

ياهي ياهي ياهي
ياهي ياهي ياهي
الحب ما ينشرى ويباع
مثل البضاعة

احب في شخصيته كل تعقيد
متناقض ما بين هيبه وطاعة
اكبر من العادات ومن التقاليد
وابلغ من الحكمة وصدق القناعة

فيه الوصوف اللي سواة العناقيد
يلقى بها العاشق دواه وضياعه
ليلة وصاله كنها ليلة العيد
لو ما حصل من شوفته غير ساعة

لعيونه اسوق القدم واطوي البيد
لا بارك الله في الهجر والقطاعة
كل شي احبه فيه من دون تحديد
واخاف تلويحة ايديه ووداعه

ياهي ياهي ياهي
ياهي ياهي ياهي
الحب ما ينشرى ويباع
مثل البضاعة البضاعة

Al Bedaa Lyrics - Majid Al Mohandis

كلمات : سمو الشيخ ناصر بن حمد آل خليفة
ألحان : احمد الهرمي
توزيع : سيروس