كلمات أغنية هني المعافا - ربيع اليامي
يا وجودي على مضنون عينيوجد من طاح وارهى به عدوّه
طاح من عقب ما طاحت ذلوله
وافقوه اربعين بوارديه
كل واحد رماه بطلقتيني
شاف ماله بهم حيلٍ وقوة
لا رفاقه ولا عذرٍ يقوله
سلم امره لخلاق البرية
لا رسالة ولا خطٍ يجيني
انتحى واختلف نوي ونوه
اتمنى وانا ما نيب حوله
راح يم الديار الاجنبية
هل دمعي وجرَح وجنتيني
صار ما لي على خلي اجروه
كن دون الغضي عشرين دوله
واحلالاه دام النفس حية
ليتها بين اهل خلي وبيني
كان اخاطر بروحي واتفوه
كل رجلٍ يذكر في فعوله
كان هي طيبة والا ردية
من عيونه طعني حربتيني
صوبن اسفل القلب وعلوه
وين انا والحياة الله يهوله
ويش يبري الجروح اللي خفية
في حياتي جرحني مرتيني
جرح كامي وجرحٍ منه توه
جرح توه وجرح حال حوله
واهني المعافا وا هنيه
التفت من يسار ومن يميني
وازهم اهل الحمية والمروة
لو يصيح المصيع ما عنوا له
كيف راحت من الناس الحمية
كن عوده مثل عود الرديني
في يد الفارس الظفر المفوه
ما بعد شفت زول مثل زوله
من عرفته وانا عيني شقيه
كان قلبك على الفرقا متيني
سوي بي ما تبي يا زين سوه
كل كبد من الحب مغسولة
ما لها بالهوى شف ونحية
لو يصيح المصيع ما عنوا له
كيف راحت من الناس الحمية
كن عوده مثل عود الرديني
في يد الفارس الظفر المفوه