كلمات اغنية مواليد التسعينات سعود بن هذال

كلمات اغنية مواليد التسعينات سعود بن هذال

كلمات أغنية مواليد التسعينات - سعود بن هذال ونواف المخلفي

لياقة الشعار فالشعر بيتين
وانا تقول اني مدرب لياقه
اللي يميز بعضهم شكله الزين
انيق وبيوته ما فيها اناقه

وانا ليا غنيت يا ليل يا عين
بسحب بطايقهم بطاقه بطاقه
يا بندر ابن سرور لو عايش الحين
بتقول مثلي يلعن ام الطفاقه

يا ليتني في جيل قبل الثمانين
احسني بيني وبينك علاقه
اما تصادقنا وصرنا اقرب اثنين
ولا تعادينا بلاشي صداقه

لا يا وجودي يا مواليد تسعين
تقول مسروقين فيه انسراقه
الواحد الله خالقه بين جيلين
ومحدٍ يبي من جيله الا فراقه

لا شايب ولا هوب مثل الوراعين
ولا هو مع المعزا ولا هوب ناقه
انا بلاني ربي بحظي الشين
والله بلاك بناس فيها طفاقه

اللي وراك يسحبون الجوالين
قالو عليك بيوت شعرك دقاقه
واللي يحاول يحجب الشمس بتبين
عز الله انه وسط راسه حماقه

ماهوب شروا اللي على الطيب ماشين
اللي لهم من جزل الابيات باقه
اللي على بالي طرو يوم الاثنين
بين المنام ولحظة الاستفاقة

يا حي والله روسكم يا الدماسين
ياللي لكم مع كل طالة علاقة
ومحمد الوهاب سقم المعادين
الطيب دايم رغبته واشتياقه

سماه عودٍ في سباق الميامين
يتعب وراه اللي يحاول سباقه
هذا الحصان اللي يدك الميادين
عودٍ على الميدان عنده لياقه

سوالفه في وسط بالي لها الحين
يقول ريح العود بعد انحراقه
والفعل يبقى لو تذوق الامرين
ويروح مر الفعل وتنسى مذاقه

وريث طيب الفعل والراس والدين
والحين فعله من يحاول لحاقه
هذاك واحد ما نخلق مثله اثنين
اطيب خوي مع طيبين الرفاقه

واطيب خوي في عام عشرين عشرين
صداقتك يا محمد اطيب صداقه
يا عزتي للي يخاوي رديين
العز والله ما تهنى مذاقه

مثل الكريم اللي خواله بخيلين
لو قدم الجزلات قالو دقاقه
لو كان طيب راس وعزوم ويدين
الناس قالو عنه عقاب ساقه

والموقف اللي صارلي قبل يومين
فرحت في سمعتك فرحة صداقه
سمعت بفعولك وانا عارفك زين
كنك تشفق للطراقي شفاقة

قالو كريمٍ يضرب الدين بالدين
وقمت اتنومس فيك بين الرفاقه
ثم صرت كني من عيال السلاطين
وانا ولد عودٍ ما توخذ نياقه

جعل البخيل اللي رصيده ملايين
وعلى الكرم يمناه دايم معاقه
وعلى الكرم يمناه دايم معاقه


كلمات أغنية مواليد التسعينات سعود بن هذال ونواف المخلفي

أحدث أقدم