كلمات أغنية بلاد البخت - هاني شاكر
قليل البخت لو سافر بلاد البختهيرجع منها شايل نحس برضه في يخت
ده إيده على الذهب تتحط يبقى تراب
يخبّط عالحظوظ تقفل في وشه الباب
في ناس حظوظ في السما
وناس حظوظهم تحت
قليل البخت لو يطلعله 100 مارد
فانوس الحظ من إيده يقوم مكسور
يقول الحظ بكرة وكل شئ وارد
يشوف أحلامه قطعت فجأة ميا ونور
قليل البخت لو يطلعله 100 مارد
فانوس الحظ من إيده يقوم مكسور
يقول الحظ بكرة وكل شئ وارد
يشوف أحلامه قطعت فجأة ميا ونور
قليل البخت امتى الدنيا تضحك ليه
بقاله سنين واقف على بابها دور في طابور
قليل البخت لو رايح بلاد الفرح
وقالوا هناك شجر فرح وبيطرح طرح
وقالوا هناك علاج كل اللي عاش محتار
وناس صبحت قلوبها رماد وطفّوا النار
هيرجع منها شايل ألف شجرة جرح
قليل البخت لو يطلعله 100 مارد
فانوس الحظ من إيده يقوم مكسور
يقول الحظ بكرة وكل شئ وارد
يشوف أحلامه قطعت فجأة ميا ونور
قليل البخت لو يطلعله 100 مارد
فانوس الحظ من إيده يقوم مكسور
يقول الحظ بكرة وكل شئ وارد
يشوف أحلامه قطعت فجأة ميا ونور
قليل البخت امتى الدنيا تضحك ليه
ويرجع من بلاد البخت يوم مجبور