كلمات أغنية انا الطيب - حمزة نمرة
أنا الطيب وعامل فيها مش طيبعشان الناس بقت بتدوس على الطيب
ومين كان حس بينا يا دمعي يا قريب
بمثل إني مش طيب عشان انتوا
ديابة ولازم أنتش لقمتي منكوا
وليه يا زمن بقى الطيب بيتعيب
عامل قاسي
وجوايا مفيش قسوة
ماليش غير قسوتي عزوة
بتدوا الحق للأقوى
وبتيجوا تملّي عالطيب
وشرّاني
لكن من جوة وحداني
وياما صرخت آه ياني
ودستوا على الجراح تاني
ما شفتش حد بيطيب
عامل جامد
لكني ورا الحيطان عيل
ولما الدنيا بتليل
بشيل وشي اللي بيمثل
واروح انام عالجانب الطيب
يا ناس يا ناس واقف مبلم
يارب حوش يارب سلم
ده انا اتجرحت جرح علّم
ماشي يا دنيا
مجابش حقي غير دراعي
يا ريتني حاوي دول أفاعي
مفيش لطيبتي أي داعي
لا لا لا لا لا
أنا البعبع
وشايل بين ضلوعي ملاك
ولو نزلت دموعي هلاك
يا قاسي القلب ايه قسّاك
وخلاك تجي عالطيب
أنا المأذي
ومش عايز أكون مؤذي
لكن لو هتأذي هأذي
وده مش بكيفي ده حظي
ونِفسي في يوم أعود طيب
ومش خوّاف
ولو قلتلكوا إني بخاف
أخاف لتقرقشوني حاف
وياما منكوا قلبي شاف
عالم وحوش ما بترحموش طيب
يا ناس يا ناس واقف مبلم
يارب حوش يارب سلم
ده انا اتجرحت جرح علّم
ماشي يا دنيا
مجابش حقي غير دراعي
يا ريتني حاوي دول أفاعي
مفيش لطيبتي أي داعي
لا لا لا لا لا
كلمات أغنية انا الطيب حمزة نمرة
كلمات: محمود فاروق
ألحان: حمزة نمرة
توزيع وميكساج: عمرو الخضري