كلمات اغنية رايق حمزة نمرة | Hamza Namira

كلمات اغنية رايق حمزة نمرة | Hamza Namira

كلمات أغنية رايق - حمزة نمرة

مش فارق مين عليا
ولا فارق مين معايا
ولا فارق مين سابقني
ولا فارق مين اللي ورايا
كان صاحب ولّا عشرة
كان أصلي ولّا قِشرة
كات أوضة ولا فيلا
كان شايب ولّا بصرة

رايق رايق رايق
رايق وتقيل وراسي
وعايشلي دور مقاسي
رايق رايق رايق
وراصص الكراسي
لحبايبي بس وناسي

ولا بتعب في الغياب
ولا بفرح بالمدد
ولا بدخل في اكتئاب
ولا بقلق من الحسد
مش هفتح باب يدايق
ولإن مزاجي رايق
لا هشارك في المسابقة
ولا عايز حتى اسابق

بضحك على قد سنّي
وسنّي يسمحلي أغني
والخدمة الحلوة منكم
لما تفكوكوا منّي
كله عارف تمامه
لا هنزّل أو هعلّي
كله ياخد مقامه
ما يخدش زيادة نص ملّي

رايق رايق رايق
رايق وتقيل وراسي
وعايشلي دور مقاسي
رايق رايق رايق
وراصص الكراسي
لحبايبي بس وناسي

وماليش في أي شلة
ولا فاضي لناس مملة
ولا حد كاسر عيني
ولا ماسك لحد ذلة
جوي حلو ولايق
قلت لكو مزاجي رايق
فانا بقى خارج المنافسة
على مهل مهلي سايق

أصلي فهمت المعادلة
إن ما فيش للدنيا عدلة
فعيشت الأيام بذوقي
ما لبستش تاني بدلة
قصتي ماشية بمزاجي
وعرفت خلاص علاجي
انتهى القلق كل شيء فرق
حتى الجو جوه دماغي

رايق رايق رايق
رايق وتقيل وراسي
وعايشلي دور مقاسي
رايق رايق رايق
وراصص الكراسي
لحبايبي بس وناسي


كلمات أغنية رايق حمزة نمرة

كلمات: محمود فاروق
ألحان: أندريه مينا - حمزة نمرة
توزيع وميكساج: أندريه مينا

أحدث أقدم