كلمات أغنية مسلسل ألف حمدالله ع السلامة - عنبة
لو فاكرنا نمنا ننةألف حمد الله ع السلامة
مش ساكتين أهو بنسعى
لحد أما تلعب معانا
أكيد هنلاقي اللي ناقصنا
وننسى الهم بابتسامة
يا اللي نفسك تشوف اخرنا
روح يا بابا بالسلامة
هندور لحد أما نوصل
مهما الطريق علينا يطول
أكيد الزعل يوم هيخلص
واللي إحنا عايزينه هيحصل
مسير الرحلة هتعلمنا
تدينا الدرس وتفهمنا
الكنز مش ورث وفلوس
الكنز الأصلي ده في قيمتنا
حمد الله ع السلامة
حمد الله ع السلامة
حمد الله ع السلامة
حمد الله ع السلامة
الساقية بتلف وبتدور
نخرج من دوامة ندخل في دوامة
كل ظلمة واخرها نور
ومسيرها هتضحك وتلعب معانا
أولها وحدة آخرها لمة
لمة حلوة وناسها أحلى
خلاص لقينا اللي يفهمنا
والدنيا مشيت على مزاجنا
لو فاكرنا نمنا ننة
ألف حمد الله ع السلامة
مش ساكتين أهو بنسعى
لحد أما تلعب معانا
أكيد هنلاقي اللي ناقصنا
وننسى الهم بابتسامة
يا اللي نفسك تشوف اخرنا
روح يا بابا بالسلامة
وأدي النصيب جمعنا بصديق
أول ما جه خلى الحظ سعيد
كنسل الماضي انسى القديم
تعبنا كتير فاللي جاي خير أكيد
مسير الرحلة هتعلمنا
تدينا الدرس وتفهمنا
الكنز مش ورث وفلوس
الكنز الأصلي ده في قيمتنا
حمد الله ع السلامة
حمد الله ع السلامة