كلمات أغنية بركان - محمد صيام
لما اقول يابا الحنان اللي قولت عزوتياللي حاقد واللي جاحد واللي رايد وقعتي
طمعانين فيا اللي قولت هيبقو سندي في دنيتي
تاخدو مالي واللي حيلتي ورجعولي خلفتي
اتعاملو بسواد النفوس والغدر والنية الغلط
يفيد بإيه تنزل كنوز وحزن عايش للأبد
ياريتها كت جت في الفلوس مهما كان هو العدد
اللي اسمي معلي منهم حرموني من ولدي السند
آه من الاحساس يامايا كرهوني ضروني في ضنايا
وفي كل دقيقة بتعدي بركان قايد جوايا
واتمنى اشوفه لو ثانية غيره مش عاوز حاجة تانية
حرمان الأب من ابنه أصعب احساس في الدنيا
ياللي حزنتو الملامح استعدو للخطر
في حقي انا ممكن اسامح واقول قضاء ربي وقدر
بس لحمي ذنبه ايه يعيش تايه وسط البشر
مش هسيبلكو لحظة حلوة وده المفيد المختصر
اللي عيشي وملحي هان عليه وبالشر ابتدى
قلبي أصدر البيان عقد اعدامكو اتمضى
أي حد غير اللي خان ممكن يحس ويتهدى
ورب الكون حتى الشيطان
ميجيش في باله يعمل كده
آه من الاحساس يامايا كرهوني ضروني في ضنايا
وفي كل دقيقة بتعدي بركان قايد جوايا
واتمنى اشوفه لو ثانية غيره مش عاوز حاجة تانية
حرمان الأب من ابنه أصعب احساس في الدنيا