كلمات أغنية جاري يا جاري -
جاري يا جاري يا حتة سكرةخُلقك ضيق قايسينه بمسطرة
لكن دمك خفيف والضحكة منورة
رمضان عايزك لطيف ما كفاية زمجرة
جاري يا جاري ياللي مأجر جديد
شغال تكسير في الحيطة
ومصحي قريب وبعيد
مع ان كلامك سكر بيلين الحديد
اللمة هنا فايتاك رمضان عايزك سعيد
جارتي حبيبتي صديقة الحيوانات
عندها كلبة جولدن بتهوهو بالساعات
مستحمل أي حاجة علشان ست الستات
ده الكل بيشهد ليها من طبق الحلويات
ده الكل بيشهد ليها من طبق الحلويات
استاذ مجدي عاملي مشكلة
راكن عربيته بالطول وحاطلي سلسلة
الفرقة هنا ناقصاك متسبش الجول كده
شهر الخير هل علينا بس انت تعال هنا
وانتي يا سوسة قعدالي في أول دور
عارفة حكاوي الناس واحد واحد بالدور
لكن بتحلي مشاكل أحسن من الدكتور
هفطر أول يوم عندك وعندي على السحور
شكري يا جاري حبيبنا من زمان
دايماً ساكت ومقفل البيبان
لما بنحتاس في حاجة أول واحد بِتبان
اظهر عايزين نشوفك رمضان الدار آمان
جاري يا جاري يا حتة مننا
جه الوقت نقرب ونلم شملنا
رمضان كريم عليك وعلينا كلنا
رمضان كريم عليك وعلينا كلنا