كلمات أغنية ضحكة حجاج - احمد ال شملان
مبطي من المشي بفجوج الخلا والطعوساللي هواها رسومه بيّنه في الرمل
وجدي على الخايع اللي ما وطوه العسوس
لا دوجت في مفاليه النياق الهمل
كم لي وأنا عايف الجمعه وكثر الجلوس
ومهاترات المجالس بالحديث الممل
ودي أسج القدم وأنفض غبار الهجوس
حَداني الحظ الامحق مع ظروف العمل
دورات الايام كنها مثل حرب البسوس
وصدورنا صارت أضيق من بيوت النمل
والناس تعطي بعضها من بعضها دروس
يجمعون الشمل ويفرقون الشمل
وأنا من اللي جرالي في الزمان العبوس
حتى من أبسط طموحاتي فقدت الامل
خلوني أسج وأبعد عن ضعاف النفوس
قدني تحملت منهم فوق ما يحتمل
ماني بمحتاج للمنصب وكثر الفلوس
محتاج ضحكة حجاج وخاطرٍ ما يمل