كلمات قصيده الوداع المر - أمجد جمعة
عَمت كآبة وغطت الغيمة الدنيفجأة بليلة قاسية وصعبة
البنت اللي صارت بحضن بيّا تحتمي
والبنت يلي ما عندا بَي تحتمي بلعبة
الأم اللي كانت برمش إبنا تعتني
يقلا إمي اتركيني واهربي
ليلة طويلة بتشبه 12 سنة
فيها الأرض رسمت مشاهد مرعبة
كيف المباني فوق بعضا بتنحني
وتحت المباني في كم بنت وصبي
وبديت الأصوات يسربها الركام
أصوات غريبة وما إلها صدى
وبديوا البشر يتجمعوا وكبر الزحام
وعليت صواتن للدني اشتغل الندا
صارت دموع الناس اللي فوق الركام
ترطب قسا الحجار بلكي يخف تقلا
وما نخسر حدا
وبديت اصواتن ترقد عالهدا
وصار الحجر دم يشر
وصارت بقايا الأبنية فوق اللي راحوا تهر
وبلَّش الوَداع المُر
تشاهد يا ابني نحنا سامحناك
وإنت سامحنا لو ما طلعناك
ما الحجر أقوى من البشر والديات
البنت يلي تقلا لامها خيي مات
واما تقلا معليش قضاء وقدر
وبديوا المعجزات
ملائكة بهيئة ضو لتطعمي البشر
مدفونين عطشانين مخنوقين
فَنزلت مطر
واللي فقد من عيلتو عشرين نَفَر
ما بقي لقلبو أثر
يارب
يارب وقت الدني تمطر
منحتمي تحت السقف
ووقت السقف يهبط
منحتمي كلنا فيك
يا رب ترحم بَشَر راحت تلاقيك
بان الضعف والقوة بالإنسان
وكبر الوجع والقهر والإيمان
وتسجلت صفحة جديدة للتاريخ
كان ياما كان
كان في طفل بردان
غطاه سقف البيت
وكفنتو الحيطان
هلق دفي نام وغفي
غفوة طويلة الزمان
لأول مرة قلمي بيعجز يكتب شي
وصوتي الغصة بيكتما
لأول مرة خيالي بيعجز الصورة يرسما
فخليني اوقف هون وعبر على قدي
خجلان بالسقف اللي فوقي
من طفل سقفو السما
خجلان بالإحساس
بفراغ العقل والراس
الله لا يدوق حدا نفس الكاس
قبل ما تسمع جملتي الأخيرة
تعوذ من الوسواس والخناس
أنا أول مرة بلمح أرض بتولد ناس
وتأجهض ناس