كلمات أغنية ليل الشتاء - يوسف الشهري
عساك يا ليل الشتاء مقبل بخيرسويت للذكرى بملفاك إعاده
اسرجت في داجيك خيل التفاكير
والفكر مضمار الشرف والإراده
الذكريات اللي طوتها المقادير
تفلّها والهم يقدح زناده
اللي تهنا بالسهر والمسايير
واللي على ضوه يسامر قناده
الشوق ناره والمشاعر مباهير
والصد جوعه والمواصيل زاده
خفاقه الملتاع يكفخ كما الطير
والصبر في بعض المواقف عباده
وانا الغريب اللي رمى السر في البير
رماه مير محدّر الدلو صاده
ادفع من الماضي لعينك فواتير
دين المشاعر فيك يكثر سداده
اجني ضرايبها من الغير للغير
والمستفيد اللي بليا استفاده
يا ليل شرهاتك بعيني معاذير
بارد وحلمي فيك ذعذع براده
عيس الهواجس مقفيات ومناحير
وحمولها ما بين ضيق وسعاده
مدري متى صبحك يسوق التباشير
وحادي ركاب الصبر يبلغ مراده