كلمات شيلة بسمة حزين عبدالله ال فروان وظافر الحبابي
الليالي والظروفلا تحن ولا تروف
ليتك بعينك تشوف
كيف واجهت الحياه
ابتسم وانا حزين
في وجيه العابرين
واكتم الحزن الدفين
لو وراه اللي وراه
آه لو تدري بحبك
كان فيني خفت ربك
لعنبو اللي ما يحبك
يا هنا القلب ودواه
عيني تعاف المنام
لو على ريش النعام
وانتهى كل الكلام
وانتهى حتى صداه
ضاع من عمري كثير
اتصبر واستخير
لا جزى الايام خير
وصّلت صبري مداه
آه لو تدري بحبك
كان فيني خفت ربك
لعنبو اللي ما يحبك
يا هنا القلب ودواه
ويش أخلي ويش أقول
ما بقى عندي حلول
حتى من باب الفضول
ما من الدنيا نجاه
ما بقالي في الزمان
بين خوف وبين أمان
غير من كله حنان
اشهد انه اكبر غناه
يا غناتي والرصيد
يا المشاعر والقصيد
معك انا ماني وحيد
خافقي حبك خذاه
آه لو تدري بحبك
كان فيني خفت ربك
لعنبو اللي ما يحبك
يا هنا القلب ودواه
حطني في نون عينك
عارف اش بيني وبينك
لا تروح بعيد وينك
آه منك وألف آه
تدري انك بشكل يومي
ماخذٍ فكري ونومي
وناسيٍ ان أكبر همومي
داري انك لي حياه