Ads-Top

كلمات اغنية كتبنا غياب ليلى شندول | Laila Chandoul

كلمات أغنية كتبنا غياب - ليلى شندول

لما بعدنا عن الشر وغنينا
ومشينا بعيد
قام جالنا بشره وعايز يرجع
من اول وجديد
لا طبعا ينسى اننا نرجع
لو جاي ماشي على الحيط
احنا ما صدقنا بعدنا يوميها
وقولنا بدأنا العيد

ده احنا ما شوفناش الراحة
الا اما فارقنا كتبنا غياب
وبدأنا نشوف سكتنا الصح
وعادى قفلنا الباب
يعني مفيش نية لقربنا منه
رجعنا خلاص اغراب
خليه يحاسب بقى عالمشاريب
الكداب النصاب

القسوة اللي بقت فينا اتعلمناها
في يوم بايديه
والحب اللي اتقدمله ده كان بصراحة
كتير ده عليه
خد حجم اكبر من حجمه ساعتها
قعدنا بننفخ فيه
مش عارف ان بشكة دبوس كده
نقدر ننهيه

ده احنا ما شوفناش الراحة
الا اما فارقنا كتبنا غياب
وبدأنا نشوف سكتنا الصح
وعادى قفلنا الباب
يعني مفيش نية لقربنا منه
رجعنا خلاص اغراب
خليه يحاسب بقى عالمشاريب
الكداب النصاب

باي باي
باي باي اصل الكداب في حياتنا
مالوش ده ما بينا مكان
باي باي مش ناقصة نعيش مع واحد
طبعه مالهوش امان
مدة صلاحيته خلصت خالص
يوم ما الكدب ده بان
بقة بالنسبالنا خلاص شفاف
واللي يسيبه ده كسبان

ده احنا ما شوفناش الراحة
الا اما فارقنا كتبنا غياب
وبدأنا نشوف سكتنا الصح
وعادى قفلنا الباب
يعني مفيش نية لقربنا منه
رجعنا خلاص اغراب
خليه يحاسب بقى عالمشاريب
الكداب النصاب