Ads-Top

كلمات شيلة هجرتيني فلاح المسردي | Falah Almesrdi

كلمات شيلة هجرتيني - فلاح المسردي

لا يا سحابه ما طمعت ارقا
تدرين من بعد المطر فرقا
ناحت على غصن الهجر ورقا
الشمس غابت واخفت ظلالي

عامين ما بلّ المطر جاشي
يوم الغضي قال المسا ماشي
من حرجتي جيت اطلب انعاشي
اروح يمّي وارجع لحالي

في ساعة الفرقا طفت قمرا
واللي كتبني ما عرف يقرا
لا والله الا الساعه القشرا
اللي تفرّق غالي وغالي

خلّي جديلك ينسدل ليله
واسمع ورى صدري مواويله
عقب الصبر ما عاد لي حيلة
اثر الليالي مالها والي

أحب فيك الحب من حبّك
فديت زينك ربّي وربّك
اشقى معك واشفا على طبّك
ما فيه مثلك ويتحلوالي

حبيبتي عقب البطا وينك
اشتقت اشوفك وألمس يدينك
وأقول احبك وارمش بعينك
وابيع عمري لين يبقالي
وابيع عمري لين يبقالي

يوم العواذل فيك لاموني
اقفّل اذني واغمض عيوني
اجيك كلّي واسري بدوني
وانام بعيونك وانا سالي

خالفت سلم اهلي وجدّاني
اللي على شانك على شاني
قطعت حبل الناس من داني
يم الصحاري واشهب اللالي

لا تحرجيني حالتي صعبه
الحب ما هو نزوة ولعبه
زوّد عناي ورب هالكعبه
مكانتك يا كيف تنشالي

حبيبتي هدّ البطا صبري
اصبحت في درب الهوى عبري
اثر اللقا مات وحفر قبري
وانا على الفال انتظر فالي

كنتي على فرش الغلا تمشين
وبيدك نسيم ووردة ونسرين
تدرين عن قدرك هنا تدرين
واحالي اللي راح واحالي

انتي عليك الجرح وفراقي
وانا على عهد الهوى باقي
لا عاد ليلٍ صاحبه شاقي
لوني تركت دروبك اشوالي

ماني بميّت لا هجرتيني
حلو الزمن بكرة يناديني
وانسى زمانٍ به نسيتيني
وابيع حبّك واشتري بالي