Ads-Top

كلمات اغنية أدبتنا الدنيا رامي جمال | Ramy Gamal

كلمات أغنية أدبتنا الدنيا - رامي جمال

الهدوء والابتسامة
مقصودين وبدم بارد
ولا جاية تجسي نبضي
كل شيئ في الدنيا وارد
عالعموم مش فارقة حاجة
احنا أكتر من بعدنا
عيشتي بعدي وعيشت بعدك
من الحكاية شيلنا ايدنا

أدّبتنا الدنيا
واحنا اللي نستاهل حسابها
هي غلطة وجات في ثانية
ضعنا من بعض بسببها
واحنا ملناش حق نزعل
أو نعاتب بعض حتى
كل واحد فينا كان ليه
حاجة في التاني وسابها

فاكرة لما البعد خدنا
وانتي سلّمتي ورضيتي
شوفي حالي ازاي بقيت
وانتي بردو ازاي بقيتي
رامية نفسك جوا حضن غريب
ومش مرتاحة فيه
وانا رامي نفسي في حضن عارف
عمره يوم ما هيبقى بيتي

أدّبتنا الدنيا
واحنا اللي نستاهل حسابها
هي غلطة وجات في ثانية
ضعنا من بعض بسببها
واحنا ملناش حق نزعل
أو نعاتب بعض حتى
كل واحد فينا كان ليه
حاجة في التاني وسابها