Ads-Top

كلمات اغنية قدر قدر عيضه المنهالي | 2022

كلمات أغنية قدر قدر - عيضه المنهالي

قدر قدر والليلة الليلة ترا ليلة شعر
والليلة الليلة القصيدة بكل شيٍ فارقه
لن الشِّعر لو مازج الإحساس يترك لك أثر
وأجمل قصيدة في الحياة تكون لازم صادقة

يا ما قصايد تنكتب وتموت في أوّل شطر
ويا ما قصايد في خيال الشعر تمّت عالقه
ويا ما قصايد عايشه واللّي كتبها في القبر
عاشت مع روح الشّعر وأهل الفكر والذّايِقه

قدر قدر والليلة الليلة ترا ليلة شعر
والليلة الليلة القصيدة بكل شيٍ فارقه
لن الشِّعر لو مازج الإحساس يترك لك أثر
وأجمل قصيدة في الحياة تكون لازم صادقة

فيني وله وفيني غلا وفيني من أيامي صبر
والوقت يمشي والثُّواني في ضميري حارِقه
عكس النّوايا تِفتح عيونك وحِلمك ينكسر
وتلملم أحلامك وروحك من زمانك ضايقه

اشتقت لك واشتقت لك والشّوق ما منّه مفر
ويزيد حب الشّي أكثر لا اجبروك تفارقه
وأنا فوادي فيك ما يِسمع من آراء البشر
لن البشر آرائها متعاكسه ومِتفارقه

قدر قدر والليلة الليلة ترا ليلة شعر
والليلة الليلة القصيدة بكل شيٍ فارقه
لن الشِّعر لو مازج الإحساس يترك لك أثر
وأجمل قصيدة في الحياة تكون لازم صادقة

تدري وش أكثر شي يشبهني وانا عكس البحر
أشياء كثيرة مبهمه وأشياء كثيرة غارقه
في داخلي حص البحر وفي داخله يمكن غدر
يعطيك شيٍء تاخذه وفيه شي ثاني سارقه

ياما كتبتك شعر بإحساسي وأنا كلّي فخر
وانا كتبتك نور في كحل الليالي الغامقه
وإن كان روض الشّعر ما كفّاك بكتِب لك عمر
ودقات قلبي فدوتك ياللّي بفِكري شارِقه

قدر قدر والليلة الليلة ترا ليلة شعر
والليلة الليلة القصيدة بكل شيٍ فارقه
لن الشِّعر لو مازج الإحساس يترك لك أثر
وأجمل قصيدة في الحياة تكون لازم صادقة