من الكون الضخم المتقسم بحر ووديان للقارة السمرا المليانة بأشكال وألوان لبلدنا اللي النيل في جبينها بيزرع بستان لمكان وسط القاهرة مأهول زحمة وسكان للبيت اللي في زاويته قاعدة أجمل واحدة بأجمل فستان وبتملى مكان في كيان الشاب التلاتيني بَهدي لثالت مرة النص إليها وبسيب في إيديها جواب في بدايته وحشتيني ولو كل اللي عارفينك قالولك إني خاب أملي ولو كل الظروف حالفين تفارقيني وحشتيني وحشتيني ويوحشني اللي من ريحتك ولو ورقة وأحب الجاي من طرفك ولو طلقة
كلمات قصيدة وحشتيني ٣ للمرة الأولى
من الكون الضخم المتقسم بحر ووديانللقارة السمرا المليانة بأشكال وألوان
لبلدنا اللي النيل في جبينها بيزرع بستان
لمكان وسط القاهرة مأهول زحمة وسكان
للبيت اللي في زاويته قاعدة
أجمل واحدة بأجمل فستان
وبتملى مكان في كيان الشاب التلاتيني
بَهدي لثالت مرة النص إليها
وبسيب في إيديها جواب في بدايته وحشتيني
ولو كل اللي عارفينك قالولك إني خاب أملي
ولو كل الظروف حالفين تفارقيني
وحشتيني
وحشتيني
ويوحشني اللي من ريحتك ولو ورقة
وأحب الجاي من طرفك ولو طلقة
وأغير من أي شيء لمسك ولو شِعري
وأسامح أي شيء منك ولو باعني
تودعني الحياة
وما تمناش في يوم صورتك تودعني
يا ورداية في جبل روحي
يا أول شمس في الدنيا
يا شيء Well Done
يا Only One
يا زوجتي الأولى والتانية
معايا حتى في غيابك
ومش شاغلاني أسبابك
شاغلني إنك لازلتي بخير
وده معناه بأن الدنيا لسة بخير
وإن الزهر هيفتّح على أغصانه
وإن النورس الشارد هيتمتع بشطأنه
وإن خيالي هيطاردك بأحضانه
ويطلق في سماكي الطير
شاغلني إنك لازلتي بخير
ما يشغلنيش سوى إنك
تكوني كيف ما أقول عنك
وتبقي زي ما ارضالك
وتديني الحياة فرصة
أسدد بعض أفضالك
ولو كان فضلك الأكبر
بإنك يوم قابلتيني
وحشتيني
وتفضل فيا ذكراك نسيم عابر
يا أجمل حاجة في الأشعار
وأجمل حاجة في الشعر
يا ست الجهر والأسرار
يا نعمة والطريق واعر
بحبك مهما طال البعد
وقلبي عند نفس الوعد
وحتى الفعل من غيرك
كإنو بنعمله مع بعض
لا عمري انسيت تاريخ بينا
ولا ريحة ولا ذكرى
بنام بالليل وكل طموح
بأني حلمحك بكرى
بتمحي غيابي بوجودك
وايدك تحضن الأوكرة
بقول لو حتى فات العمر
وصرت مسن في السبعين
تساعني نظرتين عواجيز
وتكفي ضحكتين شايبين
ونسمع حاجة من فيروز
تاخدنا ليوم ماشوفتيني
وحشتيني ولو عايروني بغرامي
وقالو عليا عايش وهم
أكون الإيد اذا كيوبيد
بيطلق في اتجاهك سهم
ولو عايروني بغرامي
لو قالو يا عيني حرام
عشقها الواد وتاه فيها
حتبقي غصبا عن عينهم
حياتي وأغلى معانيها
ولو قالو دي سحرالو
وعاملالو عمل بالشوق
ولو قالو اني أنا اتجنيت
بقسوة أو بصنعة أو وذوق
فلو ده سحر أنا قابل
ولو ده جنان أنا قابل
ولو حبك أثر خمرة محبش أفوق
وأه انتي نقطة ضعفي
وأه حبك على عيوبك
وأه ظلك
وأه قلبي اللي فاضل ليك
وأه دايما بطبل ليك
وأه بإشارة محسوبك
كلامهم عندي مش فارق
ومش هفقد أمل في رجوع
مفيش مواضيع أقولها ليك
غير إنك وحدك الموضوع
وإن حياتي ناقصاكي
وقلبي سابني ومعاكي
وإن عينايا شايفاكي
في أول كرسي في يميني
بتدّي ضحكة للدراويش
عشان يلقي وحشتيني
فلو كل اللي عارفينك
قالولك إني ما نفعكيش
ولو كل اللي عارفيني
قالولي بكرة تنسيني
وحشتيني