.... تحميل
كلمات أغنية تخيلني
اتخيل روح مختنقهاتخيل ذكره محترقه
اتخيل قلبي بالفرقه
اتخيلني
تبچي اجروحي ما تسكت
واقرب ناسي متشمت
صاير أشبه الميت
اتخيلني
اباوع عالدرب وابچي
اني اول دمع يحچـي
الدنيا انسدت ابوجهي
اتخيلني
حياتي اختلفت ابهمي
وفراغك ساكن ابدمـي
رحت والذل قعد يمي
اتخيلني
قوه احجي صاير وين تسمع صوتي
واتمنى من كل قلبي بعدك موتي
قوه احجي صاير وين تسمع صوتي
واتمنى من كل قلبي بعدك موتي
بس ما اقول وتدري بيه اسكوتي
بس ما اقول وتدري بيه اسكوتي
اتخيلني اتخيلني
غيمة ابصيف صرت اني
افراقك هيج خلاني
حتى الضحك بچاني
اتخيلني
محد حاسب احسابي
ولا انذكر بغيابي
اشلوني ابفرقة احبابي
اتخيلني
اسمع ضحك شماتي
افترت بيه دنياتي
انوح وتجري دمعاتي
اتخيلني
ياهو الجاي جارحني
وحيل الشوق تعبني
ادعي ربي ياخذني
اتخيلني
لا ليلي انامه ولا اتغمض عيني
لحظات أحسها وانت ماكو اسنيني
لا ليلي انامه ولا اتغمض عيني
لحظات أحسها وانت ماكو اسنيني
ما اعتقد تعرفني اذا اتلاقيني
ما اعتقد تعرفني اذا اتلاقيني
اتخيلني اتخيلني
اتخيلك وجه خايف
اتخيل رجفه اشفايف
وما ادوخك بالسوالف
اتخيلني
اكسر لك جنح طيره
وشوف اشبيها من حيره
وضعي هيج تفسيره
اتخيلني
احچي وحچيي مو نفسه
يهنياله القدر ينسه
احساسي الميت ايحسه
اتخيلني
امشي خطوة واتعثر
فدوه بعد ما أقدر
على حظناتك أنا اتحسر
اتخيلني
كل يوم اعيشه چنه آخر عمري
والشوق وانت ابعيد خانق صدري
كل يوم اعيشه چنه آخر عمري
والشوق وانت ابعيد خانق صدري
من الدنيا كلها ابغيبتك متبري
من الدنيا كلها ابغيبتك متبري
اتخيلني اتخيلني