.... تحميل
كلمات أغنية بيت الطين - فلاح المسردي
عليك السلام ورحمة الله يا بيت الطينوعلى كل شخص عاش في وسط جدرانك
جروح العرب تبرا وجرحي ليا ها الحين
ربط حاظر الدنيا بماضيه من شانك
ياكم لي وانا يابيت والعين تسقي العين
ودفنت السعادة والفرح تحت سيسانك
أراجع شريط الذاكرة بين حين وحين
وتوقف بي الذكرى على أطرف بيبانك
تربع غلاك بخاطري من غلا الغالين
يا صعب اني انساهم ويا صعب نسيانك
ابقول كلمة واجعلو حولها قوسين
وش هي لذت الدنيا لا ودعت شيبانك
عليك أصعب من الهم وأثقل من أثقل دين
ولا عاد لك حيلة كان الله ما عانك
الله يقطع الفرقا وغيب المفارق شين
تشوف انكسار الذات في صفحة أحزانك
عزومك تردى والهقاوي تردى لين
تثقل عليك الكلمة اللي على لسانك
يضيق الفضاء ويضيق صدرك من الصوبين
مثل ما يضيق خاطرك شوف ديانك
اتدور على فجوج الخلا والعرب ممسين
من الضيقة اللي فورت دم شريانك
صواديف بقعاء عاقبتني يا بيت الطين
وانا كل يوم أروح وأرجع على شانك
عقب ما فقدتك والله ما شفت شيٍ زين
مشاكل حياتي تنكتب تحت عنوانك
أنا والله اني ميتٍ والعرب حيين
لكن الرجاء يالله بعفوك وبإحسانك
أجامل ظروف الوقت وأجامل السالين
وعلقت قلبي فيك يا رب سبحانك