كلمات اغنية ذرى الشعب السعودي

كلمات اغنية ذرى الشعب السعودي - الجفراني

يا بلادي للمعالي يا بلادي
فوق روس النايفات من المبادي
نهضة ورقي وتطور في ازديادي
في ذرى محمد ذرى الشعب السعودي
في ذرى محمد ذرى الشعب السعودي

يا بلاد العز يا مهد الحضاره
قبلة الاسلام دمتي فالصداره
وجهة العالم وعزه وازدهاره
في ذرى محمد ذرى الشعب السعودي
في ذرى محمد ذرى الشعب السعودي

من عصر عبدالعزيز اللي بناها
لين عصر عياله اللي به تباها
وعصر من الامجاد بافعاله حماها
يا محمد يا ذرى الشعب السعودي

رؤيته ترقا بنا فوق الثريا
كل صعب لاومر غصبا تهيا
به شموخ وبه طموح وبه حميا
يا محمد يا ذرى الشعب السعودي

افخر بمجدك ودارك يا السعودي
افخر بمجدك وعزك يا السعودي
افخر بمجدك وشانك يا السعودي
في ذرى محمد ذرى الشعب السعودي

الشجاع اللي تحزم للقياده
بالزعامه والسياده والرياده
العديم اللي ينومسنا هداده
يا محمد يا ذرى الشعب السعودي
يا محمد يا ذرى الشعب السعودي

دون شعبه باذلٍ كامل جهوده
شايفٍ في زود شعبه ما يزوده
مايكود العالم اجمع مايكوده
يا محمد يا ذرى الشعب السعودي
يا محمد يا ذرى الشعب السعودي

يا زعيم الشرق الاوسط يا سندنا
يا فخر الاسلام يا ناهض بلدنا
مشغلٍ العالم الاقصى والادنى
يا محمد يا ذرى الشعب السعودي

انت مجدك من جدودك مستمده
راسخٍ ماهو يلفق كل مده
حظ والله من يدك تاتي بيده
يا محمد يا ذرى الشعب السعودي

امتراكي بين ابوك وبين جدك
وصافحت الامجاد فوق الغيم يدك
ما انجبت الايام في الحكام قدك
يا محمد يا ذرى الشعب السعودي
يا محمد يا ذرى الشعب السعودي

بك يابو سلمان وامجادك نماري
نورنا اللي نقتدي به فالغداري
ودرعنا لامن طرا في الامر طاري
يا محمد يا ذرى الشعب السعودي
يا محمد يا ذرى الشعب السعودي

يا حفيد مؤسس الحكم السعودي
يا شبيهه فالمزايا والجهودي
كلنا لك ساعة الواجب جنودي
يا محمد يا ذرى الشعب السعودي

مدك الله بالسياسه والفراسه
والشهامه والحماسة والشراسه
يستمد الشعب منك قو باسه
يا محمد يا ذرى الشعب السعودي

وين ماكنت اتغدي لانظار يمك
وعز دارك يجري بشريان دمك
والوطن رفعته فوق السحب همك
يا محمد يا ذرى الشعب السعودي
يا محمد يا ذرى الشعب السعودي

هيبتك عظمى ومثل طويق راسي
اسمك وطاريك له ثقلٍ سياسي
فيصليٍ مانت والناس بسواسي
يا محمد يا ذرى الشعب السعودي
يا محمد يا ذرى الشعب السعودي

في حضورك تخضع الروس الكبيره
وتستمد الراي منك والبصيره
وتزبنك لا جات الاحداث الخطيره
يا محمد يا ذرى الشعب السعودي

سيف عدلك كل ماجات الضروره
يقطع الشر المبطن من جذوره
وتامن ابه اوطان من بعد الخطوره
يا محمد يا ذرى الشعب السعودي

بالقدم تاطا على روس الافاعي
وتقلط بعزمك مقاليط السباعي
والولاء لك لا يسام ولا يباعي
يا محمد يا ذرى الشعب السعودي
يا محمد يا ذرى الشعب السعودي

للوطن شعبك يوردها المنايا
دونه الانفس نقدمها هدايا
نرخص الارواح لو نصبح ضحايا
يا سلام الله على الشعب السعودي
يا سلام الله على الشعب السعودي

انت قايدنا وقد للمهمه
ومعك شعبٍ كل كايد ما يهمه
صف واحد والحمايا وسط دمه
يا سلام الله على الشعب السعودي

سر بنا في سلم ولا في حرايب
اللهايب عندنا نسمة هبايب
السعودي لا يخاف ولا يغايب
يا سلام الله على الشعب السعودي

حن معك جمع حشوده ما تعدي
حن سيوفك في الهجوم وفي التصدي
حن سعوديين ما نرضا تعدي
يا سلام الله على الشعب السعودي
يا سلام الله على الشعب السعودي

في البحر والبر ولا في سمانا
ويل من يرمي بالله في نحانا
كل شبرٍ في حما الدار يعنانا
يا سلام الله على الشعب السعودي
يا سلام الله على الشعب السعودي

في يمينك يا فخر كل العروبه
لا دعا الداعي وجا للشر شوبه
صانعين المجد طوبه فوق طوبه
يا سلام الله على الشعب السعودي

في البحر والبر ولا في سمانا
ويل من يرمي بالله في نحانا
كل شبرٍ في حما الدار يعنانا
يا سلام الله على الشعب السعودي

العهود نصونها صون الامانه
ما توارثنا الغدر ولا الخيانه
الوطن بقلبونا عالي مكانه
يا سلام الله على الشعب السعودي
يا سلام الله على الشعب السعودي

كلمات: عبدالهادي القنيفذ وسعد بن جابر ال جفران